TRIVELEG  BARMADAG 26. JULI

Fiskekonkurranse

Fiskekonkurransen starta med eit kraftig bilhorn som ljoma utover heile Fjellvatnet. Her skulle alle starte på likt. Alle dei 13 fiskarane kasta då snøret uti. Skal ein få den største fisken må ein ha det rette agnet. Det vart prøvd med både ringblomar og lyng i tillegg til dei tradisjonelle slukane og spinnarane. Presis klokka 1530 høyrest det tuting frå bilar over Fjellvatnet igjen, konkurransen var ferdig og ein kunne ta fram den elektroniske vekta som vog kvart einaste gram av fangsten. Etter svært nøyaktig veging kunne endeleg resultatata offentleggjerast. Det var premiering for både størst fisk og størst fangst i ei barneklasse (under 16 år) og ei vaksenklasse (over 16 år.) Premiane til fiskekonkuransen var levert av A/S Fiskevegn, Selje Samvirkelag, KIWI Måløy og Kaibutikken. Vinnaren i vaksenklassa i begge kategoriar vart Simon Sas med ein samla fangst på 3510 gram der den største fisken vog 690 gram. I barneklassa gjekk også begge premiane til same person; Guro Tophol som fekk ein fisk som vog 330 gram og ein samla fangst på 580 gram.  Den eine premien Guro vann var ei kasse brus. Så var det berre å setje i gong med feiringa.

Rebusløp

Dei som ikkje ville fiske hadde sjansen til å få seg ein trimtur rundt Fjellvatnet. På vegen fekk ein også trimme hjernecellene, for jamnleg hang det utfordringar for dei små grå til både store og  dei yngre deltakararane. I tillegg kunne dei som ville få ekstra fysiske utfordringar ta turen om Bruna frå Nesjane. Her kunne ein oppleve flott natur og ei fantastisk utsikt mot Stad og ope hav. Vel tilbake i Grendahuset kunne ein unne seg både brus, kaffi, is og nysteikte vafler frå kiosken. I vaksenklassa var det  Norunn Solheim Solvåg som vann ein drill levert frå Byggern i Selje. I barneklassa vann Petter Volle Myklebust fiskeutstyr frå G-Sport i Måløy.

Grillbuffet

Etter preimieutdelinga var kokkane Egil Myklebust, Bjørn Wold og Kjell Hagelid klar til å servere grilla storfe, kotelettar, pølser og karbonader med allverdas godt tilbehør. Om lag 100 menneske kosa seg med eit herleg grillmåltid under preseningane ved Grendahuset.

Dans

Etter at maten hadde fått sige litt var det tid for litt rørsle igjen. Inne i Grendhuset var det gjort klart til dans, og platespelaren spelte dansemusikk for både unge og eldre. Triveleg å vere på dans der fleire genrasjonar har det kjekt i lag. Då natt gjekk mot dag, rusla vi heimatt og gleda oss til neste barmadag.

Tilbake til hovudsida.